មានចឹងដែរ! ស្រ្តីជនជាតិកូរ៉េខាងជើងម្នាក ប្រឈម​ការ​ជាប់​ពន្ធនាគារ​ បន្ទាប់ពី​ជួយ​សង្គ្រោះ​កូនទាំង២​ចេញ​ពី​ភ្លើង តែភ្លេចយករូបថត …

កូរ៉េខាងជើង៖ អគ្គិភ័យ​មួយបានឆាបឆេះ​នៅក្នុងផ្ទះមួយ​ដែលចែក​ចេញ​ជាពីរគ្រួសារនៅតំបន់​ Onsong ខេត្ត North Hamgyong ជិត​ព្រំដែនចិន​ ។ ស្ត្រីជនជាតិ​កូរ៉េខាង​ជើងម្នាក់​ត្រូវបាន​គេ​គំរាមគំហែង​ដាក់គុក​បន្ទាប់​ពី​ជួយ​សង្គ្រោះកូនៗ​ ​ពីរនាក់​របស់​នាង​ចេញ​ពី​អគ្គិភ័យឆេះ​ផ្ទះមួយ ។ កំឡុងភ្លើងឆេះនេះ រូបថតមួយចំនួន​ត្រូវ​បានបំផ្លាញ​ចោល​ ។

តាមប្រភពបានអោយដឹងថាមុនពេលកើតហេតុ ឪពុកម្តាយទាំង​សងខាងបាន​ចេញទៅក្រៅ​ ពេលភ្លើង​បានឆាបឆេះ​ ប៉ុន្តែបានរត់ត្រឡប់​មក​ជួយ​ក្រុម​គ្រួសារ​វិញ​បន្ទាប់ពីបាន​ឃើញផ្សែង​ហុយចេញមកខាងក្រៅ ​។ ​ប្រទេកូរ៉េខាងជើងមានច្បាប់ គឺគ្រប់ផ្ទះរូបភាពទាំងអស់​នៃគ្រួសារគីម​ត្រូវតែទទួល​បានការគោរព​ដូច​នៅ​ពេល​ដែល​ពួកគេមានជីវិត​​ដែរ មាន​ន័យ​ថាការ​ខកខាន​មិនបាន​មើលថែរូប​គំនូរ​ឱ្យបានត្រឹមត្រូវ​គឺជាបទឧក្រិដ្ឋ​ធ្ងន់​ធ្ងរ​ ។​ ​

គឺ​ត្រូវ​ដាក់​តាំងរូបភាពរបស់អតីតមេដឹក​នាំរបស់ខ្លួន​គឺ​គីមអ៊ីលស៊ុ​ងនិងគីមជុងអ៊ីល​ ​និងតែង​ចាត់​មនុស្ស​ឲ្យ​ទៅ​ពិនិត្យ​មើល​ដើម្បីប្រាកដ​ថា​ពលរដ្ឋ​បាន​ដាក់តាំង​ពិតប្រាកដ​មែន ។ ​យោងតាមប្រភពកាសែត​ Daily NK ស្រ្តីម្នាក់ត្រូវបានបើការស៊ើប​អង្កេតប្រសិនបើ​ត្រូវ​បាន​​រកឃើញ​ថា​មាន​កំហុស​ម្តាយ​ត្រូវប្រឈម​នឹងការ​ជាប់​ពន្ធនាគារ​រយៈ​ពេលយូរ​ជាមួយការធ្វើពលកម្មធ្ងន់ធ្ងរ​ ។ ហើយនាងមិនអាចទៅរកកូន ៗ របស់​នាង​នៅមន្ទីរពេទ្យ​ ​ហើយក៏មិនមានថ្នាំអង់ទីប៊ីយោទិច​សម្រាប់ការ​រលាកដែរ​ ៕