អ្វីដែលមហាជនរងចាំ ពេលនេះអ្នក​នាង ម៉េ​ង កែវ​ពេ​ជ្ជ​តា បានសម្រេចចិត្ត​ទម្លាយ​រឿងរ៉ាវបើក​​បេះដូងជា​​ថ្មី​ហើយ …

ភ្នំពេញ៖ មហាជនបានរងចាំដំណឹងបេះដូងចេញពីកំពូលតារាចម្រៀង ម៉េង កែវពេជ្ជតា បន្ទាប់ពីអ្នកនាងសម្រេចចិត្តនៅជាស្ត្រីមេម៉ាយ និងមើលថែទាំកូនប្រុសស្រីយ៉ាងអំណត់ ។ ពេល​នេះអ្នក​នាង​ម៉េង កែវពេជ្ជតា បាន​ទម្លាយ​ឱ្យ​ដឹងថា ​អ្នក​នាង​មាន​បុរស​ថ្មី​ម្នាក់​ចូល​មក​លួងលោម ចំ​ពេល​ដែល​មានរឿង​​ជា​ច្រើន​ ។

អ្នក​នាង​ថែម​ទាំង​បង្ហាញ​ពី​គម្រោង​ពិសេស​ឱ្យ​មហាជន​បានដឹង ក្រោយ​រកបាន​ម្ចាស់​ចិត្ត​រស់នៅ​បារាំង​ ។ តារាចម្រៀង​ស្រី​ល្បីឈ្មោះ​អ្នក​នាង ម៉េ​ង កែវ​ពេ​ជ្ជ​តា បាន​សម្រេចចិត្ត​ទម្លាយ​រឿងរ៉ាវ​បេះដូង​ហើយ គឺ​អ្នក​នាង​គ្រោង​រៀបចំ​ពិធីជប់លៀង​មង្គលការ​តូច​ល្មម​មួយ​ដើម្បី​ជា​ការ​ដឹង​លឺ​អំពី​ចំណង​ស្នេហ៍​ជាមួយ​អាណិកជន​នៅ​ប្រទេស​បារាំង​ ។

អ្វី​ដែល​សំខាន់​កូន​ៗ​របស់​នាង​ក៏​គ្រោង​ចេញ​ទៅ​រស់នៅ និង​សិក្សា​បន្ត​នៅ​ប្រទេស​បារាំង​ផង​ដែរ​ ។ ការ​ភ្ជាប់​ទំនាក់ទំនង​ស្នេហ៍​ជាមួយ​បុរស​អាណិកជន​រស់នៅ​ប្រទេស​បារាំង​មួយ​រយៈពេល​ចុង​ក្រោយ​នេះ អ្នក​នាង​ម៉េ​ង កែវ​ពេ​ជ្ជ​តា មិន​បាន​លាក់លៀម​នឹង​រឿង​ស្នេហា​នោះ​ទេ ។ ប៉ុន្តែ​នាង​ក៏​មិន​បង្ហាញ​មុខជា​សាធារណៈ​ព្រោះតែ​ជា​ជីវិត​ឯកជន​របស់​អនាគត​ស្វាមីរបស់អ្នកនាង​ ។

អ្នក​នាង​ថាបាននិយាយថា ប្រសិនបើ​មាន​ពេលវេលា​គ្រប់គ្រាន់ នាង​នឹង​រៀបចំ​ពិធីជប់លៀង​មួយ ដែល​នាង​មិន​រំពឹង​ថា​នឹង​មាន​វត្តមាន​មន្ត្រី​ថ្នាក់ដឹកនាំ​ធំ​ៗ​ចូលរួម​កម្មវិធី​នេះ​ទេ ព្រោះតែ​នាង​យល់​ថា ថ្នាក់ដឹកនាំ​សុទ្ធតែ​រវល់​នឹង​កិច្ច​ការងារ​ជា​ច្រើន​៕