ខ្វះការប្រុងប្រយ័ត្ន! បត់ឆ្វេងឬបត់ស្តាំមិនបានមើលបង្កជាគ្រោះថ្នាក់ ហើយត្រូវជនឆ្លៀតឱកាសបន្លំ​យកកាបូបស្ពាយទៅបាត់ទៀត…

លោក បង ម៉េង អ្នកសារព័ត៌មាន បានបង្ហោះសារថា៖ បុរសម្នាក់​បេីកកង់បីឥណ្ឌា​ នឹកឃើញបត់ ក៏វ៉ៃស៉ីញ៉ូបត់ភ្លាមៗ ស្រាប់តែខ្ញុំកំពុងជិះឌុបគ្នាពីក្រោយមកលឿន គេចមិនទាន់ក៏ជ្រុលទៅបុក​ពីក្រោយបោកនឹងថ្នល់ រងរបួសធ្ងន់បាក់ដៃ​ និងខ្ញុំអ្នកបេីករបួសបែកមុខរលាត់ដៃជេីង​ តែយ៉ាងក៏ដោយ​ខ្ញុំបានស្ទុះទៅឃាត់កង់បីហេីយ ក៏វិលមុខខ្ញាល់​ និងហៅរថយន្តគិលានសង្គ្រោះគ្លីនិកឯកជន មកដឹកទៅមន្ទីរពេទ្យហេីយ។

នៅម៉ោង១០:២៣នាទីយប់​ ថ្ងៃសៅរ៍​ ទី២៣ ខែវិច្ចិកា​ ឆ្នាំ២០១៩នេះ នៅចំណុចមុខ​សាខាចាន់ឃីម​ លក់សំបកកង់រថយន្ត​ លេីផ្លូវជាតិលេខ២ ភូមិទួលរកា១​ សង្កាត់ចាក់អង្រែក្រោម​ ខណ្ឌមានជ័យ​ ។ តែមុនសមត្ថកិច្ចមកដល់មានជនឆ្លៀតឱកាសបន្លំ​យកកាបូបស្ពាយរបស់ខ្ញុំ​ ដែលដាច់ធ្លាក់នៅកន្លែងកេីតហេតុនោះ​ យកទៅបាត់ផងដែរ​ ក្នុងកាបូបនោះមានកាត​សារព័ត៌មាន​ និងលុយមួយចំនួន​ រួមទាំង​ភ្លេីងហ្វា​ Power Band ខ្សែសាកថ្ម​ និង​អត្តសញ្ញាណប័ណ្ណ​ និងរូបថតម្ដាយរបស់ខ្ញុំផងដែរ។

បេីរេីសបានយកលុយទាំងអស់នោះចុះ ខ្ញុំសុំតែ​អត្តសញ្ញាណប័ណ្ណ​ និងរូបថតម្ដាយរបស់ខ្ញុំវិញប៉ុណ្ណោះ! បេីមិនអោយទេ​ ខ្ញុំដាក់ពាក្យប្ដឹង​អោយសមត្ថកិច្ច​ ធ្វេីការស្រាវជ្រាវ​តាមច្បាប់​ហេីយ! ជាការពិតណាស់ រឿងរ៉ាវទាក់ទងនឹងកង់បីឥណ្ឌា កើតមានឡើងជាញឹកញយ ដូច្នេះសង្ឃឹមថាអ្នកបើកបរទាំងអស់មានការប្រុងប្រយ័ត្ន និងចេះអធ្យាស្រ័យឱ្យគ្នា៕