គួរខ្លាចអ្វីឲ្យប្រាកដ! ព្រួយចិត្តជំនួស ព្រឹកមិញ នៅតំបន់ក្រហមនុស្សកកកុញ ប្រជ្រៀតគ្នាចាំចាក់វ៉ាក់សាំង

នាព្រឹកថ្ងៃទី៤ ខែ ឧសភា ឆ្នាំ២០២១ ក្រសួងសុខាភិបាល នៃព្រះរាជាណាចក្រកម្ពុជា រួមទាំងថ្នាក់ដឹកនាំរាជរដ្ឋាភិបាលបានប្រកាស ឲ្យបងប្អូនប្រជាពលរដ្ឋក្នុងតំបន់ក្រហមចាក់វ៉ាក់សាំងការពារជំងឺកូវីដ១៩រួច គេសង្កេតឃើញមានបងប្អូនមហាជនជាច្រើនបាននំាគ្នាសម្រុកទៅទទួលការចាក់វ៉ាក់សាំងនេះជាច្រើនកុះករ។

ដោយឡែក រូបភាពមួយសន្លឹក មានពលរដ្ឋជាច្រើនប្រជ្រៀតផ្ដុំគ្នា រងចាំចាក់វ៉ាក់សាំងដែលកំពុងប្រឈមនឹងការឆ្លងខ្លាំង ក្នុងសង្កាត់ស្ទឹងមានជ័យ២ ខណ្ឌមានជ័យ ដែលហាក់ផ្ទុយនឹងបម្រាមរបស់អាជ្ញាធរ ត្រូវរក្សាគម្លាតសុវត្ថិភាព។ កត្តានេះអាចបង្កឱ្យមានហានិភ័យខ្ពស់ និងកាន់តែកើតមានការឆ្លងរាលដាលនៃមេរោគកូវីដ១៩ កាន់តែកើនឡើងជាបន្តបន្ទាប់បាន។

គួរជម្រាបថា លោកជំទាវ ឱ វណ្ឌឌីន បានប្រកាសអំពាវនាវសុំឲ្យពលរដ្ឋទាំងអស់ សូមកុំទៅចាក់ហើយនាំកូវីដមកវិញ ក៏ប៉ុន្តែអ្វីដែលគួរឲ្យចាប់អារម្មណ៍ជាងនេះទៅទៀតនោះគេសង្កេតឃើញថា បងប្អូនប្រជាពលរដ្ឋដែលនាំគ្នាសម្រុកទៅចាក់វ៉ាក់សាំងទាំងអស់នោះហាក់មិនមានការបារម្ភទាក់ទិនទៅនឹងគម្លាតសុវត្ថិភាពនោះឡើយ ដោយពួកគាត់បែរជាប្រេជ្រៀតគ្នា មិនរក្សាគម្លាតកត្តានេះអាចបណ្ដាលឲ្យមានការឆ្លងរាលដាលកើតមានឡើងច្រើនថែមទៀតផងដែរ៕