ចប់ហើយស្ថានការណ៏! កាន់តែកើនឡើងខ្លាំងជាងម្សិលមិញទៀត ថ្ងៃនេះកម្ពុជា ប្រកាស រកឃើញអ្នកឆ្លងកូវីដច្រើនបំផុត

នៅថ្ងៃទី ២៩ មេសា ឆ្នាំ ២០២១ នេះ យោងតាម នាយកដ្ឋានប្រយុទ្ធនឹងជំងឺឆ្លង (CDC) ​នៃក្រសួងសុខាភិបាល ស្ដីពីចំនួនអ្នកឆ្លងវីរុសកូវីដ ១៩ បានឱ្យដឹងថា ប្រទេសកម្ពុជា បានរកឃើញអត្រាអ្នកឆ្លងថ្មី រហូតដល់ចំនួន ៨៨០នាក់ ត្រឹមរយៈពេល ២៤ម៉ោង ចុងក្រោយនេះ ដែលនៅតែជាកំណើនអ្នកឆ្លងថ្មីដ៏ច្រើនបំផុត បើធៀបនឹងថ្ងៃទី ២៧ មេសា ២០២១។

នាយកដ្ឋានប្រយុទ្ធនឹងជំងឺឆ្លង (CDC) ក៏បានបង្ហាញដែរថា ចំនួនអ្នកឆ្លងនៅរាជធានីភ្នំពេញមាន ៥១៨នាក់, ខេត្តព្រះសីហនុ: ១៨៧នាក់, ខេត្តកណ្តាល: ៧៣នាក់ , ខេត្តកំពង់ចាម: ៣៩ នាក់, ខេត្តបន្ទាយមានជ័យ: ៣៦ នាក់, ខេត្តកំពង់ស្ពឺ: ៩ នាក់, ខេត្តតាកែវ: ៥ នាក់, ខេត្តកំពង់ធំ: ៤ នាក់, ខេត្តកំពង់ឆ្នាំង: ៣ នាក់, ខេត្តព្រៃវែង: ២ នាក់, ខេត្តពោធិ៍សាត់: ១ នាក់, ខេត្តកោះកុង: ១ នាក់, ខេត្តសៀមរាប: ១ នាក់ និង ខេត្តត្បូងឃ្មុំ: ១ នាក់។

ដោយសារស្ថានភាពនៃការរាតត្បាតវីរុសកូវីដ ១៩ ហាក់នៅមិនទាន់ថមថយនៅឡើយ ប្រមុខរាជរដ្ឋាភិបាលកម្ពុជា បានចេញសេចក្ដីសម្រេចធ្វើការបិទខ្ទប់រាជធានីភ្នំពេញ និងក្រុងតាខ្មៅ ចំនួន ៧ថ្ងៃបន្ថែមទៀត រហូតដល់ថ្ងៃទី ៥ ឧសភា ឆ្នាំ ២០២១ ៕