កាតព្វកិច្ចជាឪពុក ព្រួយបារម្ភពីកូនៗ! សម្ដេច បញ្ជាពីក្រៅប្រទេស ឱ្យសម្រុកចាក់វ៉ាក់សាំង នៅតំបន់ក្រហម កុំខ្វល់ថាប្រជាជនមកពីណាឱ្យតែព្រមចាក់

យោងតាម រយៈសារសំឡេង ម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញបទបញ្ជាឲ្យ បើកយុទ្ធនាការចាក់វ៉ាក់សាំងកូវីដ១៩ ដល់ប្រជាពលរដ្ឋចាប់ពីអាយុ១៨ឆ្នាំឡើងទៅ ដោយផ្តើមចេញពី «តំបន់ក្រហម» ដោយមិនខ្វល់ថាប្រជាជនមកពីណាឱ្យតែព្រមចាក់វ៉ាក់សាំង។

ជាក់ស្តែង សម្តេចបន្តលើកឡើងថា «ពេលចាក់វ៉ាក់សាំងហ្នឹង កុំខ្វល់ថាប្រជាជនមកពីត្រង់ណាអី ឲ្យតែយល់ព្រមចាក់ គឺចាក់ឲ្យតែម្តង ហើយចេញកាតឲ្យគាត់ទៅ ព្រោះសុទ្ធតែប្រជាជនយើងដដែល តែយើងត្រូវមានសណ្តាប់ធ្នាប់ ដោយសារយើងខ្វះកន្លែង អ៊ីចឹងយើងត្រូវឲ្យអាជ្ញាធរមូលដ្ឋានកំណត់ថា ថ្ងៃនេះ ភូមិនេះ ថ្ងៃនោះភូមិនោះ។ អញ្ចឹងយើងយើងអាចចាប់ផ្តើមយុទ្ធនាការថ្នាក់ជាតិ ប្រើកម្លាំងកងទ័ពចាក់តែម្តង»៕