ផ្ទុះ ការ រិះ គន់ទៀតហើយ! ក្រោយផេក Galaxy Navatra បង្ហោះតម្កើង ព្រាប សុវត្ថិ ជ្រុល ដៀម ដាម តារាផ្សេងទៀតកប់ៗ

មុននេះបន្តិចផ្ទុះ ការ រិះ គន់ យ៉ាងខ្លាំងក្រោផេកផ្លូវការរបស់ផលិតកម្ម Galaxy Navatra បានបង្ហោះបែបនេះថា​ « ស៊េរីចាស់កុំចង់លេង ចង់រ៉េបឬចេញច្រកណា ទប់បានម៉ាស្រឡាញ់ កំពូលតារាចម្រៀង ព្រាប សុវត្ថិ លេងធ្ងន់ៗឈឺតែម្តង បីសប្តាហ៍ល្បីដល់ទៅ៨បទ វាគឺជាប្រវត្តិសាស្រ្តក្នុងវិស័យចម្រៀងដែលមិនទាន់មានអ្នកណាអាចធ្វើបាន។

ខុសប្លែកពីតារាខ្លះល្បីមួយបទ អង្គុយអង្អែល ក្អេងក្អាង លោក ព្រាប សុវត្ថិ ដាក់ម្ដងល្បី ៨ បទ ផ្ទុះទាំងអស់ឲ្យស្គាល់ស៊េរីចាស់ តែបីសប្តាហ៍មានអ្នកចូលទស្សនាជាង២០លានដង» ។

ក្រោយឃើញការបង្ហោះបែបនេះហើយមានមហាជនជាច្រើននៅលើបណ្តាញសង្គមហ្វេសប៊ុកបានផ្ទុះការ រិះ គន់ គ្រប់ៗគ្នាដោយគ្មានប្រណៃ ព្រោះតែសំណេរដែលផលិតកម្មសរសេរខាងលើបានធ្វើឲ្យប៉ះពាល់ខ្លាំងណាស់ដល់អ្នកអារម្មណ៍មហាជននិងអ្នកគាំទ្រមួយជាច្រើននៅក្នុងប្រទេសកម្ពុជា ព្រោះតែលើកតម្កើងលោក ព្រាប សុវត្ថិ ខ្លាំងពេករហូតហ៊ាន ដៀម ដាម ឲ្យតារាខ្មែរផ្សេងៗទៀតសុទ្ធតែអង្គុយអង្អែល ក្អេងក្អាង ៕