ល្អណាស់មិត្តជប៉ុន! ជំនួយឥតសំណង ជិត ៤០ម៉ឺនដុល្លារ សម្រាប់ការសាងសង់អគារសិក្សា និងប្រព័ន្ធផ្គត់ផ្គង់ទឹកនៅជនបទ …

ភ្នំពេញ៖ ប្រិយមិត្តបានដឹងហើយថា ​​​​​​​​​​​​​​​​​​​​​​​​​​​​​​​ជប៉ុនបានផ្តល់ថវិកានិងជំនួយច្រើនមក ​​​​​​​​​​​​​​​​​​​​​​​​​​​​​​ដល់កម្ពុជាទោះ ពិភពលោកជួបបញ្ហាអ្វីក៏ដោយ ។ ​​​​​​​​​​​​​​​​​​កាលពីពេលថ្មីៗនេះផងដែ ​​​​​​​​​​​​​​​​​​​​រាជរដ្ឋាភិបាលជប៉ុន បានផ្តល់ថវិកាចំនួន ​​​​​​​​​​​​​​​​​​​​​​៣៩៨,១១៣ដុល្លារអាមេរិក ​​​​​​​​​​​​​​​​ដល់អង្គភាពចំនួន៤ របស់កម្ពុជា ​​​​​​​​​​​​​​​​​​​​​​​​​​​​​សម្រាប់ការសាងសង់អគារសិក្សា និងប្រព័ន្ធផ្គត់ផ្គង់ទឹក ​​​​​​​​​​​​​​​​​​​​​​​​​ដល់សាលាមួយចំនួន នៅតាមតំបន់ជនបទ ក្នុងប្រទេសកម្ពុជា ក្រោមជំនួយឧបត្ថម្ភឥតសំណង ។

ពិធីចុះកិច្ចសន្យាផ្តល់ជំនួយនេះ​​​​​​​​​​​​​​​​​​​​​​​​​​​ ​​​​​​​​​​​​​​​​​​​​ត្រូវបានធ្វើឡើងនៅថ្ងៃទី១៩ ខែមីនា​​​​​​​​​​​​​​​​​​​​ ឆ្នាំ២០២០នេះ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ត្រូវបានចុះហត្ថលេខាលោក មិកាមិ ម៉ាសាហ៊ីរ៉ូ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ឯកអគ្គរដ្ឋទូតវិសាមញ្ញ ​​​​​​​​​​​​​​​​​​​និងពេញសមត្ថភាពរបស់ប្រទេសជប៉ុន​​​​​​​​​​​​​​​​ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ប្រចាំព្រះរាជាណាចក្រកម្ពុជា ​​​​​​​​​​​​​​​​​​​​​​និងអ្នកតំណាងអង្គភាពទទួលជំនួយទាំង៤ សម្រាប់គម្រោងដូចតទៅ៖

ទី១៖ គម្រោងសាងសង់ប្រព័ន្ធផ្គត់ផ្គង់ទឹក ​​​​​​​​​​​​​​​​​​​​​​ក្នុងភូមិរាំងខ្វាវ ខេត្តពោធិ៍សាត់ នូវថវិកាចំនួន ​​​​​​​​​​​​​​​​​​​​​​១០៣,៨៨៥ដុល្លារ ដល់អង្គការជីវិតថ្លៃថ្នូរ ។ ​​​​​​​​​​​​​​​​​​​​​​ប្រព័ន្ធផ្គត់ផ្គង់ទឹកនឹងត្រូវបានសាងសង់ ​​​​​​​​​​​​​​​​​​​​​ហើយបណ្តាញចែកចាយទឹកប្រមាណ ១៧គីឡូម៉ែត្រ ​​​​​​​​​​​​​​​​​​​​​​​​​​​​រួមជាមួយនឹងកន្លែងចែកចាយ ទឹកចំនួន ៧កន្លែងនឹងត្រូវតម្លើងនៅភូមិរាំងខ្វាវ ។ ​​​​​​​​​​​​​​​​​​​ប្រជាជនជាង ៨៨០នាក់នឹងមានទឹកស្អាតប្រើប្រាស់ ​​​​​​​​​​​​​​​​​​ហើយគម្រោងនេះនឹងចូលរួមចំណែកក្នុងការលើកកម្ពស់ជីវភាពរបស់នៅរបស់ពួកគាត់ ។

ទី២៖ គម្រោងសាងសង់អគារសិក្សានៅសាលាបឋមសិក្សាក្រូច ​​​​​​​​​​​​​​​​​​​​​ក្នុងស្រុកអូរជុំ ខេត្តរតនគិរី នូវថវិកាចំនួន ៩០,១២៨ដុល្លារ​​​​​​​​​​​​​​​​​​​​ ដល់មន្ទីរអប់រំ យុវជន និងកីឡាខេត្តរតនគិរី ។ ​​​​​​​​​​​​​​​​​​​​​​​​​​​​​​​​​​​​​​​​​​​អគារសិក្សាមួយខ្នងមាន ៥បន្ទប់បំពាក់ដោយគ្រឿងសង្ហារឹម​​​​​​​​​​​​​​​​​​​​ ​​​​​​​​​​​​​​​​​​​​និងបង្គន់អនាម័យ ៤បន្ទប់នឹងត្រូវបានសាងសង់ ​​​​​​​​​​​​​​​​​​​​​​​​​​​​​​​​​​​​​​​​​​​​​​​នៅសាលាបឋមសិក្សាក្រូច ​​​​​​​​​​​​​​​​​​​​​​ក្នុងខេត្តរតនគិរី ។ គ្រូ និងសិស្សច្រើនជាង ៣២០នាក់នឹងទទួលបានផលប្រយោជន៍ ​​​​​​​​​​​​​​​​​​​​​​​​​​​​​​​​​​​​​​​​​​​​​​តាមរយៈការកែលម្អបរិយាកាសសិក្សា ។

ទី៣៖ គម្រោងសាងសង់អគារសិក្សា ​​​​​​​​​​​​​​​​​​​​​​​​​នៅសាលាបឋមសិក្សាបុកទឹក ស្រុកព្រែកប្រសព្វ ​​​​​​​​​​​​​​​​​​​​​​ខេត្តក្រចេះ នូវថវិកា ចំនួន ៩៨,១០០ដុល្លារ​​​​​​​​​​​​​​​​​​​​​ ​​​​​​​​​​​​​​​​អង្គភាពទទួលជំនួយ មន្ទីរអប់រំ យុវជន និងកីឡា ខេត្តក្រចេះ។នៅក្នុងគម្រោងនេះ អគារសិក្សាមួយខ្នងមាន ​​​​​​​​​​​​​​​​​​​​​​​​​​​​​​​​​​​​​​​​​៥បន្ទប់បំពាក់ដោយគ្រឿងសង្ហារឹម និងបង្គន់អនាម័យ ៤បន្ទប់នឹងត្រូវបានសាងសង់ ​​​​​​​​​​​​​​​​​​​​​​​​​នៅសាលាបឋមសិក្សាបុកទឹក ក្នុងខេត្តក្រចេះ ។ ​​​​​​​​​​​​​​​​​​​​​​​​​​​ដោយរំពឹងថាគ្រូ និងសិស្សច្រើនជាង ៣២០នាក់ ​​​​​​​​​​​​នឹងទទួលបានផលប្រយោជន៍ តាមរយៈការកែលម្អបរិយាកាសសិក្សា ។

ទី៤៖ គម្រោងសាងសង់អគារសិក្សា ​​​​​​​​​​​​​​​​​​​​​​​​​នៅសាលាបឋមសិក្សាមេម៉ង់ នូវថវិកាចំនួន ១០៦,០០០ដុល្លារ ​​​​​​​​​​​​​​​​​​​​ដល់មន្ទីរអប់រំ យុវជន និងកីឡាខេត្តមណ្ឌលគិរី ។ ​​​​​​​​​​​​​​​​​​​នៅក្នុងគម្រោងនេះ អគារសិក្សាមួយខ្នងមាន ​​​​​​​​​​​​​​​​​​​​​​៥បន្ទប់បំពាក់ដោយគ្រឿងសង្ហារឹម និងបង្គន់អនាម័យ ​​​​​​​​​​​​​​​​​​​​​​​​​​​​​​​​​​២បន្ទប់នឹងត្រូវបានសាងសង់ នៅអនុវិទ្យាល័យមេម៉ង់ ​​​​​​​​​​​​​​​​​​​​​​​​​​​​​​​ខេត្តមណ្ឌលគិរី ។ ដោយរំពឹងថាគ្រូ និងសិស្សច្រើនជាង ២០០នាក់ ​​​​​​​​​​​​​​​​​​​​​​​​​​​​​នឹងទទួលបានផលប្រយោជន៍ តាមរយៈការកែលម្អបរិយាកាសសិក្សា ។

គម្រោងជំនួយនេះ ​​​​​​​​​​​​​​​​​​​​​​​​​​​​​​មានទិសដៅការពារជនងាយរងគ្រោះ ពីកត្តាធម្មមួយចំនួនដូចជា៖ ភាពក្រីក្រ ​​​​​​​​​​​​​​​​​​​និងភាពអកុសល ដែលអាចគំរាមកំហែងដោយផ្ទាល់ដោល់ជីវភាពរស់នៅ ​​​​​​​​​​​​​​​​​​​​​​​ការចិញ្ចឹមជីវិត និងសេចក្តីថ្លៃថ្នូររបស់ពួកគាត់ ក៏ដូចជាជួយជំរុញនូវភាពជាម្ចាស់ការ ​​​​​​​​​​​​​​​​​​​​​​​​​លើខ្លួនឯងរបស់ប្រជាសហគមន៍ ។ ចាប់តាំងពីឆ្នាំ១៩៩១​​​​​​​​​​​​​​​​​​​​​​​​​​​​​​ រដ្ឋាភិបាលជប៉ុន បានផ្តល់ថវិកាជាង៦០លានដុល្លារ ​​​​​​​​​​​​​​​​​​​​​​​​​​​ដល់អាជ្ញាធរមូលដ្ឋាន និងអង្គការក្រៅរដ្ឋាភិបាល ដើម្បីអនុវត្តគម្រោង គូសាណូណិ ចំនួន៦២៤គម្រោង ​​​​​​​​​​​​​​​នៅទូទាំងប្រទេសកម្ពុជា ៕

ប្រភព៖ freshnews