អបអរសាទរ​ម្ចាស់​ជ័យ​លាភី​​តែង​និពន្ធ ​ស្មូត​កំណាព្យ និង​តាក់​តែង​សិក្សា​កថា និងទទួល​បាន​ពាន​រង្វាន់​ក្នុង​ឱកាស​ទិវា​គ្រូ​បង្រៀន ០៥ តុលា ២០១៩

រាជធានី​ភ្នំពេញ៖ បេក្ខជន​ជ័យ​លាភី​ទាំង​៩ រូប បាន​ទទួល​ពាន​រង្វាន់​ពី​ សម្តេច​ក្រឡាហោម ស ខេង នាយករដ្ឋមន្ត្រី​ស្ដីទី តំណាង​ដ៏​ខ្ពង់ខ្ពស់ សម្តេច តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ក្នុង​ឱកាស​នៃ​ទិវា​គ្រូ​បង្រៀន ០៥ តុលា​២០១៩ បន្ទាប់​ពី​ទទួល​បាន​ជោគជ័យ​ក្នុង​ការ​ប្រឡង​ប្រណាំង តែង​និពន្ធ ​ស្មូត​កំណាព្យ និង​តាក់​តែង​សិក្សា​កថា។​​​​​ បេក្ខជន​ទទួល​បាន​ជ័យ​លាភី​​ក្នុង​កម្មវិធី​ប្រកួត​ប្រជែង​ឆ្នាំ​២០១៩​នេះ មាន​ចំនួន​៩​រូប​ ក្នុង​នោះ​មាន​ដូច​ជា៖

ផ្នែក​និពន្ធ​កំណាព្យ ជ័យលាភីលេខ១ វណ្ណ សារ៉េត មក​ពី​ខេត្ត​ព្រៃវែង​ ជ័យលាភីលេខ២ សាម សុនិត មក​ពី​ខេត្ត​កំពង់​ចាម និងជ័យលាភីលេខ៣ ខឹក ហ៊ន មក​ពី​ខេត្ត​តាកែវ​។​ ផ្នែក​ស្មូត​កំណាព្យ ជ័យលាភីលេខ១ ស៊ឹម គឹមសាត ពី​ខេត្ត​ត្បូង​ឃ្មុំ ជ័យលាភីលេខ២ លឿយ សំរួន មក​ពី​ខេត្ត​ឧត្ដរមានជ័យ និងជ័យលាភីលេខ៣ យួន វណ្ណៈ មក​ពី​ខេត្ត​កំពង់​ធំ។ ផ្នែក​​តាក់​តែង​សិក្សា​កថា ជ័យលាភីលេខ១ ឡុង ឆវង្ស មក​ពី​រាជធានី​ភ្នំពេញ ជ័យលាភីលេខ២ គឹមលី ​ចិន្តា មក​ពី​ខេត្ត​បាត់ដំបង និងជ័យលាភីលេខ៣ ស៊ុយ វ៉ាន់សាក់ មក​ពី​ខេត្ត​កំពង់​ធំ។

សូមជម្រាប​ថា កម្មវិធី​ប្រឡង​ប្រណាំង​តែង​និពន្ធ​ពាន​រង្វាន់​សម្ដេច​ព្រះសង្ឃរាជ ជួន ណាត និង​ស្មូត​កំណាព្យ ពាន​រង្វាន់​ព្រះ​ភិរម្យ​ភាសា​អ៊ូ ហៅ​ង៉ុយ ព្រមទាំង​ការ​ប្រឡង​ប្រណាំង​តាក់​តែង​សិក្សា​កថា ស្ដីពី “​ហេតុអ្វី​បាន​ជា​ ខ្ញុំ​ជ្រើសរើស​អាជីព​ជា​គ្រូ​បង្រៀន?” ជា​កម្មវិធី​ដែល​ត្រូវ​បាន​រៀប​ចំ​ឡើង​ដោយ​ក្រសួង​អប់រំ យុវជន និង​កីឡា ដើម្បី​លើក​កម្ពស់​ការ​អភិរក្ស​ បង្កើន​ការ​ចាប់​អារម្មណ៍ សិក្សា​ស្រាវជ្រាវ​​ក្នុង​ចំណោម​យុវជន លោក​គ្រូ អ្នក​គ្រូ សិស្សានុសិស្ស គរុសិស្ស និស្សិត និង​សាធារណៈ​ជន មក​លើ​អក្សរសាស្ត្រ​ខ្មែរ ដែល​ជា​កេរ​ដំណែល​ដ៏​មាន​តម្លៃ​មិន​អាច​កាត់​ថ្លៃ​បាន៕

ប្រភពពី៖ ក្រសួងអប់រំ យុវជន និងកីឡា